Velsigning frå Afrika
Herren velsigne deg
og gi deg velsigningar
frå villmarka igjen og igjen:
stille og ro,
friskt vatn,
vide horisontar,
open himmel
og stjerner som lyser på vegen din
i nattemørket.
Må jorda under deg
få føtene til å danse,
gjere armane sterke,
fylle øyra med musikk
og nasen med søte dufter.
Må himmelen over deg
fylle sjela med godhug,
gi auga lys,
så glede i hjartet
og leggje ein song i din munn.
Frå ”Em tua graca”, KV 2005. Ukjend forfattar. O: Estrid Hessellund, 2006